Երկու տասնամյակից ավելի մեր ընտանիքը ձգտել է աջակցել դիմակայուն և զարգացող Հայաստան կառուցելուն, որպեսզի այն լինի նորարարությունները խրախուսող, ներառականությունը խթանող և բոլոր քաղաքացիների բարօրությունն առաջնահերթ համարող երկիր։

Մենք դա արել ենք նորարարական մի շարք նախագծերի և շարունակական համագործակցությունների միջոցով։ Հարգելով մեր անցյալը և ձգտելով դեպի ապագա՝ մեր նպատակն է, որ գոյատևման օրակարգով Հայաստանը միջազգային ասպարեզում արագորեն վերափոխվի կայուն ու ծաղկող երկրի։

Սկսած մեր առաջին նախաձեռնություններից՝ «Հայաստան 2020»-ից, «ԵրազԱրտ»-ից և Հայաստանի ազգային մրցունակության հիմնադրամից, մինչև շարունակվող նախագծերը՝ FAST-ը, ՀԵՆԱՐ-ը, Հայկական հոգևոր վերականգնման հիմնադրամն ու «Ավրորա» մարդասիրական նախաձեռնությունը, մեր նվիրվածությունը Հայաստանի ապագային մնում է անսասան։

20 տարուց ավելի մենք իրականացրել ենք տասնյակ նախագծեր՝ շատերը IDeA հիմնադրամի հետ համագործակցությամբ, և այդ բոլոր ծրագրերի առանցքում դրել ենք Հայաստանի երեխաների ու գալիք սերունդների համար ավելի լավ ապագա ապահովելու նպատակը։

«Աֆեյան նախաձեռնություններ Հայաստանի համար» (AIFA) հիմնադրամի ստեղծումն ընդգծում է մեր նվիրվածությունը Հայաստանի պայծառ ապագային։ Այս նախաձեռնության միջոցով մենք ձգտում ենք ամրապնդել մեր ընթացիկ աշխատանքները, իրականացնել նոր ծրագրեր և ստեղծել ազդեցիկ գործընկերություններ ու համագործակցություններ։ Օգտագործելով շահագրգիռ տարբեր կողմերի հավաքական փորձը և ռեսուրսները՝ մենք ձգտում ենք հասնել դրական փոփոխությունների առողջապահության, գիտության, տեխնոլոգիաների և մշակույթի ոլորտներում։

AIFA-ի միջոցով ցանկանում ենք աշխատել մյուսների հետ՝ խթանելով Հայաստանի ու ամբողջ աշխարհի հայերի առաջընթացն ու բարգավաճումը։